AMPARA

Hombar tu sundut tarombo, godang do hape halak hita na hurang sangkan panjouon partuturon tarlobi di angka na marhaha-anggi partubu ala dang adong tarsurat ruhutna. Isarana, panjouon 'ampara' godangan do pandapot mandok panjouon tu dongan tubu na so tangkas tarombo do ninna, jala terkesan negatif. Lapatanna, hurang do dengganna ninna molo nijou 'ampara' tu haha-anggi partubu naung tangkas tarombona. Hape sabotulna dang adong unsur negatif disi molo rap mangantusi hita lapatan ni 'ampara'.
Hata 'ampara' mangihuthon kamus bahasa Batak marmula sian hata 'ama' dohot 'para' na marlapatan 'amang na timbo'. Doli-doli jotjot do dijou 'ampara sidoli'.
Di luar ni luat Toba tar hurang do jojor ni tarombo di angka na mardongan tubu. Holan masibotoan samarga alai dang jelas haha-anggi partubu dohot sundut. Jadi masijouan ma 'ampara' asa lebih netral dalam pengertian kesetaraan (egaliter) laho masipasangapan. Alai somalna na hira dos umur do masijouan 'ampara'. Dungi na tumua tu na umposo sebagai penghormatan. Jala dang adong hurangna nang berlaku di halak Toba hata 'ampara'. Pengalaman ni panurat, parhahaon manang paramongon jotjot do manjou 'ampara' tu panurat laho marsuru tingki dakdanak patudu holongna. Jala las do roha molo dijou 'ampara' sebagai penghargaan. Sebalikna na umposo hurang do sumanna mandok 'ampara' tu na tumua nangpe sian sundut na untoru nomorna. Nangpe anggi partubu nasida tumagon do amanguda daripada ampara manang anggia, apalagi anaha. Molo haha ni partubu nasida nangpe ditoru nomor na tong do nijou amangtua manang hahang tu na tumua. Tu na umposo boi ma nijou ampara.
Ima pandapot. Pinaima pandapot na asing manambai wawasan. Horas.

Copas" https://www.facebook.com/groups/304930243219280/permalink/1117518101960486/